又過年了, 上一年好似過得好快..

上年講過家裡過年通常會有既過程, 今年不如睇下相 XD

大除夕晚上必用碌柚葉沖涼, 食完晚飯就會用個大鑊煲水..

(Um..電話個閃燈好黃… /_\) 其實呢個鑊多數都係用黎蒸糕點, 過年既蘿蔔糕/年糕, 清明重陽的茶果清明仔都係呢度蒸. 底下係燒柴的, 用柴火蒸野o的野都好食o的(感性地覺得 XD)

年初一朝早食完早餐要拜神, 屋企拜神要”擺陣” XD 首先要準備材料..



炸過的粉絲同枝竹, 豆卜(有紅色的), 仲有菠菜蠔豉髮菜金針雲耳冬菇等等, 放入雞公碗度…

菠菜盤係底, 插上枝竹再用其他野圍住佢…就會變成咁樣喇:

拜完神之後就會將佢拆開, 用南乳煮成齋, 成為初一的午飯.

同一餐飯通常都會有(電飯煲)蒸豆豉.. 可能係以前阿爺鍾意食卦..