希臘風菠菜鬆餅

常見的鬆餅都是甜的,鹹的鬆餅其實亦很好吃。所謂的希臘風只是亂作的名字,全因用了希臘沙律中會出現的菲達芝士 (Feta)、蕃茄及橄欖。無糖的鹹鬆餅,再配上減油的配方,勉強算是健康之選吧。

閱讀全文〈希臘風菠菜鬆餅〉

急凍雞翼

(執房無乜進展..停一天 XDD)

有時一個人食飯, 都會拎o的急凍雞翼黎整.. 貪佢難食極有限 XD

最近發現, 可以用煎餃子既方法黎整雞翼, 方便快趣 XD

材料準備:
急凍雞翼 n 隻 (唔使解凍)
汁料適量-
任何你覺得好食既汁料/調味料/香草, 最好要較濃味既, 因為雞翼無醃到
蔥蒜豉油鹽辣椒等等等等都得
個人推介: 喼汁 加 少少糖/蜜糖/柚子蜜

方法如下:
– 將剛剛係冰箱拎出黎既急凍雞翼放係平底鑊之上, 厚皮果邊向下, 然後開火
– 猛火等到有少少聲音既時候就可以倒o的熱水落去, 水位到約三分一隻雞翼左右, 加少少鹽, cup蓋
– 等到乾水就可以開番蓋, 較慢火/中火, 唔好郁o的雞翼住
– o的雞翼會慢慢出油, 如果煎得少(<5隻)既話可能要加少少油, 如果煎得多既話, o的油會夠你煎, 一滴油都唔使落, 甚至拎廚房紙索番多餘既都得.
– 煎到一面金黃色之後可以反轉o的雞翼煎埋果邊, 可以較番大o的火
– 覺得煎夠之後, 可以落你喜歡既汁料, 撈好, 然後熄火(如果係豉油之類, 可以熄左火先撈), 上碟
– 食啦~ XD

因為無落油, 所以其實都幾健康架..我覺得 XDDD

煮意粉

繼續講下食.. XD

有時晚飯一個人吃, 很多時會自己煮意粉來吃.

甚麼類形的意粉也會吃, 螺絲粉蝴蝶粉長通粉濶條麵都吃.

以前覺得煮意粉好麻煩, 但原來是好簡單的. 我的煮法是這樣的:

大滾水加鹽之後加入意粉, 煮的時候要不時攪動, 不用加油,
若果加了油的話醬汁便不能好好的黏著意粉, 味道就會差一點點.

時間方面要看煮的時甚麼牌子的意粉, 包裝會寫要煮多久的. 多數都是十分鐘左右.
但也要因人而異. 意大利人要求意粉要煮到 al dente 的狀態, 大概是半生熟的樣子,
外要軟身但中心還是硬的, 吃不慣的話可能以為未煮熟.

煮好之後把意粉盛起便可以做配料及醬汁了, 不用過冷河的,
因為意粉表面的麵粉會幫助醬汁去黏著意粉的. 除非是用來做沙津吧.

配料的選擇好多, 按個人喜好而決定吧. 通常都是一些可以切成小件的東西,
若果太大件的話不如另外做好了, 不要混到意粉入面.

至於醬汁, 亦可以有好多選擇, 最簡單的是買現成的意粉醬, 甚至是罐頭湯或包裝醬汁,
加水備用.

準備好配料及醬汁之後就可以開始煮了. 用平底鑊做比較方便, 首先把配料放炒一下,
若有生料或需時較久的材料的話要先放, 炒好配料之後加進醬汁, 煮滾醬汁之後就放入意粉,
熄火撈好就可以上碟, 喜歡的話加些香草, 這就完成了.

基本上就是四個步驟: 煮意粉->盛起, 炒配料, 加醬汁煮滾, 加意粉撈好.
比起煮公仔麵來說也不算太難吧 🙂  但這個比公仔麵健康啊.

(好肚餓….)